Beth gewch chi allan ohono

Mae’n gyfle gwych i gwrdd â phobl newydd, lledaenu’r gair a chael y boddhad o wneud gwahaniaeth gwirioneddol i fywydau gofalwyr yn yr ardal lle rydych chi’n byw.

Byddwch hefyd yn rhan o raglen wirfoddoli flaenllaw Gofalwyr Cymru a byddwn yn eich cefnogi yr holl ffordd.

 

Beth mae'n ei olygu?

• Byddwch yn cysylltu â llyfrgelloedd, fferyllfeydd, meddygon teulu, clybiau chwaraeon a siopau gan ofyn iddynt arddangos posteri a

• Efallai y byddwch yn cynnal stondinau gwybodaeth mewn archfarchnadoedd, ysbytai, hybiau cymunedol, cyfarfodydd ffydd – unrhyw le y teimlwch y byddwch yn cyrraedd gofalwyr di-dâl i drafod gofalu a dweud wrthynt beth sydd gan Ofalwyr Cymru i’w gynnig.

• Byddem hefyd am i chi roi gwybod i ni am yr hyn rydych wedi bod yn ei wneud, rhoi adborth i ni a rhoi gwybod i ni ble rydych wedi bod yn dosbarthu deunyddiau.

• Byddwch yn nodi lleoedd yn y gymuned sy'n cefnogi pobl â chyflyrau hirdymor ac yn rhoi ein deunyddiau iddynt.

• Byddwn yn rhoi mwy o awgrymiadau i chi ar sut i ddechrau arni yn eich pecyn gwirfoddoli.

• Chi sydd i benderfynu sut i gymryd rhan!

 

Y sgiliau sydd gennych chi

• personoliaeth gyfeillgar

• sgiliau cyfathrebu gwych

• y gallu i ddod ymlaen yn dda gyda phobl newydd o bob cefndir

• angerdd dros wella cymorth i ofalwyr

• sgiliau trefnu da a mynediad at gyfrifiadur

• yr hyder i ddefnyddio eich menter eich hun.

Sut y byddwn yn eich cefnogi

Byddwn yn rhoi’r holl offer sydd eu hangen arnoch i ddechrau arni – bydd eich pecyn gwirfoddoli yn cynnwys llawlyfr gwirfoddolwyr ynghyd ag awgrymiadau a chanllawiau ar fynd allan yno am y tro cyntaf. Byddwn hefyd yn danfon y deunyddiau cyhoeddusrwydd yn uniongyrchol i chi, yn ogystal â thalu am eich costau teithio.

 

Eich amser

Mae'r rôl hon yn hyblyg iawn. Ein hunig ofyniad yw y gallwch gynnig lleiafswm o ddwy awr o wirfoddoli'r mis.

 

Sut i wneud cais

I gael gwybod mwy lawrlwythwch y disgrifiad rôl. I gofrestru ar gyfer y rôl, cliciwch ar y botwm isod.

 

Ffurflen gais gwirfoddolwyr

Byddwn mewn cysylltiad o fewn saith diwrnod gwaith i drafod eich cais. Rhaid i bob gwirfoddolwr fod dros 18 oed.

Os oes gennych unrhyw gwestiynau pellach e-bostiwch ni ar volunteer@carerswales.org 

Darganfod mwy

Eisiau gwybod mwy am y rôl hon? Lawrlwythwch y proffil rôl. (Dim ond ar gael yn Saesneg)

Community Champion